244-cü qrupda C# dərsindən açıq dərs keçirildi

UNEC Nəzdində Sosial-İqtisadi Kollecdə 244-cü qrup üçün müasir proqramlaşdırma dilləri fənnindən növbəti açıq dərs təşkil olundu. Dərs 08:30-da başlayaraq C# proqramlaşdırma dilinin əsas idarəetmə konstruksiyalarına həsr edildi.

Açıq dərs zamanı tələbələr if, for, foreach, while və switch operatorlarının praktiki tətbiqlərini öyrəndilər. Hər bir mövzu real nümunələr üzərində izah edildi, tələbələr isə kod yazaraq prosesdə fəal iştirak etdilər.

Tədbirin diqqət çəkən məqamlarından biri isə kollecin yeni hazırlanmış websaytının ilk dəfə nümayiş etdirilməsi oldu. Tələbələr və müəllimlər saytın strukturu, funksionallığı barədə məlumatlandırıldılar.

Açıq dərs interaktiv şəkildə keçdi və tələbələrin proqramlaşdırma məntiqini daha dərindən qavramasına şərait yaratdı. Mövzuların həm nəzəri, həm də praktiki formada təqdim olunması dərsin effektivliyini artırdı.